當下 (翠怡花園) (已結業)

去青衣多数都会系青衣城食饭，但其实沿住海旁行到尾，去到翠怡花园都有一间唔错既餐厅。呢间餐厅装修几靓，坐得好舒服，岩哂同朋友仔黎倾下计。今次嗌左鸡蛋焗大啡菇、黑松露野菌手打阔条面、脆皮德国猪手同埋鲜果特饮。首先讲下个大啡菇，好有惊喜。初初以为佢真系成粒焓蛋/太阳蛋咁放系大啡菇上面，但原来系流心既，仲有芝士系面到，咬落好有层次，旧菇仲好juicy。阔条面方面，个面食落好香黑松露味，亦都好满意阔条面既阔度。由于佢系手打既，食落都好弹牙。啲汁既份量岩岩好，食到最尾都有黑松露味。今晚猪手做特价，只需$98，一于嗌黎试下。猪手份量都唔细，仲配左薯角，岩哂大食既朋友。猪手个皮焗得好香好脆，有机会可以试下。杯野饮落酸酸甜甜，又系梳打，感觉好fresh。呢间餐厅值得再黎过。