周記螺螄粉

营业中

休息中

好耐无入大西北，呢排天气开始湿，味蕾反而想找些刺激食下辣野，见呢间新店企企理理，有唔少街坊帮衬，直接一试无妨。记得第一次听螺丝粉系来自一位广西既同事，名符其实「食螺丝」，但后来发现只系唔同版本既米线米粉而已。螺丝粉汤底偏酸，酸豆角酸笋令人食得酸爽、炸豆皮吸收晒汤底令辣味更烫口， 望落清清地既汤底其实系螺煮出黎既，带有一份鲜甜。配料方面拣左「炸蛋」，香酥不油腻，蛋味又香，好似海绵咁好吸汤；另外拣左鸭脚（适合无「脚」不欢既我），够淋，唔洗出手都轻易吮到骨，不过小心吮既时候俾辣汤俗亲！同米线店唔同既除左系米粉质地较爽口滑溜，就不得不提果种独特既「味」：有人话系臭，有人话系香，同榴连都有异曲同工之妙呢。但只要放胆一试，真系好容易会上瘾，想一食再食！衬新店未排长龙，可以再反兜！