秋香 (黃金海岸商場) (已結業)

今日入黄金海岸试左一间叫”秋香”既中日fusion菜，呢个日式煲仔饭绝对满足左我既味蕾。间餐厅空间不大，室内既装修都算几有心机，室外都有几张枱，唔怕热既朋友都可以坐系出面chill下。本身想试佢地最出名个盐烧白鳝煲仔饭，不过佢系每日限量发售一个人，我无提早预订所以就无缘试到。见到个餐牌有个”日本鸡肝鸡肾地鸡釜煲仔饭”，咁特别用鸡既内脏去整既煲仔饭，梗系要一试！前菜有樱花虾味噌汤同渍物，煲仔饭采用日本产既珍珠米，米粒用日本酱油煮过，粒粒分明，口感烟韧，饭焦食落好香口。饭面有只生既日本鸡蛋，捞埋d料同饭令到d饭湿湿地，唔会好似传统煲仔饭d饭咁干。料方面，日本鸡肉唔会煮到好干，食落都好滑身同入味，鸡肝同鸡肾呢d肉脏平时只会串烧既时候先会食，但原来捞埋落煲仔饭入面好有惊喜，口感比起只有鸡肉既煲仔饭黎得有层次！成个煲仔饭令我个味蕾好满足，不过如果一个人食哂就会太济，两个人share会食得舒服d!另外仲嗌左杯士多啤梨洛神乳酪梳打，酸酸甜甜咁几开胃，唔会甜到好似饮药水咁，夏天饮都几正。📍屯门青山公路1号黄金海岸商场地下32号舖位置就脚：🍊🍊🍊餐厅环境：🍊🍊🍊🍊食物味道：🍊🍊🍊🍊🍊整体CP值：🍊🍊🍊🍊