To-Gather Cafe (已結業)

呢間cafe位於旺角 好適合一大班朋友上黎開party 而且位置好寬敞 坐得好舒服呀今次同友人試左呢到既set dinner party for two!首先一坐低好快就黎左田園沙津同餐湯 比我地可以一邊傾住計一邊食住頭盤 田園沙津一大盤既沙律份量好足夠 蔬菜大塊得黎仲好新鮮 青瓜清甜爽口 好鍾意呢度加咗好多麻醬 比起沙律醬我覺得麻醬更加夾呀冇得輸芝士薯條薯條用上左粗薯所以更加有口感 熱熔芝士醬好濃郁 份量仲好多令到每一條薯條都可以包住芝士醬 外脆內軟既薯條加埋拉絲嘅芝士醬真係好邪惡一定要試！店員仲細心提醒要趁熱食 蜜糖雞翼拼秘製餃子雞翼香烤至乾身 蜜糖更加提升左雞翼嘅味道 秘製餃子好似日式章魚燒咁樣令我覺得好有驚喜 燒汁沙律醬加埋紫菜呢幾樣章魚燒嘅元素加入去餃子上面估唔到都可以好夾！鮮茄焗招牌香茅豬扒飯香茅豬扒超級入味肉質嫩滑 廚師更加細心咁預先切開方便進食 蕃茄醬汁香濃鮮味 伴上加入新鮮蛋漿嘅炒飯真係好有驚喜！最欣賞佢加咗大量芝士 芝士控一定好鍾意呢個餐嘅餐飲係任飲所以同朋友上嚟傾計或者玩都好適合！🍸