8cm Coffee (已結業)

附近大部份都系卖小食既铺头之中，竟然有间小小既cafe。灯光光猛，装修设计简洁，地方唔太大，但坐得好舒服。食物选择唔多，主要都系小食，all day breakfast，仲有几款意粉。香葱烟三文鱼牛油果忌廉芝士配法式酸种多士伴煎蛋只蛋煎得好靓～烟三文鱼新鲜，份量多。酸种面包有惊喜！厚切得黎好软熟，有弹性，有咬口，加埋搽面既忌廉芝士，成个组合简直系无得输～沙律菜加左黑醋汁，简单得黎又健康，又开胃。大虾墨鱼扁意粉配墨鱼汁真系要讲翻句，估唔到系呢种唔系专做意粉既小店都可以食到呢个质素既意粉。首先佢既意粉硬度适中，有咬口，唔会太淋身或者硬身。酱汁够咸香，但唔会过份浓味。配上大虾同墨鱼，成件事好完美。Latte拉花靓呀！咖啡既颜色都几靓，入口亦得好滑同顺喉。不过偏奶味重，咖啡味唔算太出。小山圆抹茶牛奶分层做得几靓，卖相超吸引！同样地偏重浓郁既奶味，带有清香清新既抹茶味。