Thai 2.0 (已結業)

同朋友到愉景新城行街， 行咗一阵要谂夜晚食咩嘢。 行咗成个钟头都揾唔到一间想食嘅餐厅，最后行行下见到角落头位有一间泰国餐厅， 佢嘅位置真系好隐蔽😂 唔行入去真系揾唔到㗎。餐厅嘅空间都几大，几阔落。我同友人就坐咗喺望到街景嘅卡位。一行入去，侍应好有礼咁地介绍有咩野食招牌菜。1） 秘制海南鸡 海南鸡既肉质嫩滑，配上秘制既酱汁， 更带出鸡既鲜味。个汁有少少辣，唔食辣既就唔好沾汁食。2) 泰式拼盘 同出面嘅泰式拼盘有啲唔同，呢间餐厅嘅泰式拼盘有超多选择 除咗有虾饼春卷仲有串烧同埋泰式凤爪。串烧有得选猪牛鸡其中两款，我同朋友选佐猪同鸡，烧得好林同香。春卷咬落好脆。3) 原个椰青海鲜饭 黎到主菜海鲜饭，卖相虽然唔算好靓，但海鲜配上浓浓甜甜既椰浆一齐食真系令人不停系咁食唔停。 对于钟意食椰浆既我，呢道菜真系令人难以忘怀！4. 椰汁沙冰 同埋 芒果椰汁沙冰 食完椰青海鲜饭再配上椰汁沙冰，真系人生一大享受 。椰青饭个椰浆本身已经好甜，出奇地椰汁沙冰嘅椰汁唔算话太甜， 所以食完椰青饭再饮椰汁沙冰又唔会话觉得好漏。 芒果沙冰系朋友叫既，冇饮所以不便评论！