味嚐不可

营业中

休息中

又到放lunch时间，观塘区工厂打工仔既我又烦恼紧食乜好。周围都系等外卖排队放lunch大军，今日系open rice发现新惊喜。比我揾到一间新晋楼上叫‘未尝不可’既外卖，竟然系卖炊饭。睇完个餐牌好有惊喜，主打营养健康，方便快捷，最紧要平得黎送嘢饮。😄😄😄 我抱住1516既心态，order一个$38京葱烟鸭胸饭。就算唔好食都唔心痛，因为真系平同埋唔使同人迫食饭。上到去攞外卖，老板娘好有礼貌招呼。见到有人喺度买辣椒酱，听啲人系社交平台讲好似几好味,原来呢度都仲有老板娘自家制既辣椒酱卖。老板娘俾埋辣椒酱我试。试完不得了，啱晒钟意食辣又食唔到辣嘅我。最终买埋一樽$20辣椒酱45g。 打开个饭盒温度啱啱好，卖相唔错，食落去啲饭好干爽同埋少盐少糖少油，有咬口有层次感，饭入边有京葱，菜脯，烟鸭胸肉粒。我手多多加啲辣椒酱落去捞啲饭，劲惹味下。份量啱啱好，加埋嘢饮已经好饱。建议大家试一试呢间嘢，平民价钱，健康好吃，又有印花储吓换其他嘢食。