麵包秀 (德興大廈) (已結業)

好耐冇写过食评了，最近去过一间面包蛋糕店，它的名字叫面包秀，就走左入去睇，好多面包未见过，同果度D SALES吹下水，原来系台式面包，款款都几好食，不过，最估唔到既系，我俾佢地D蛋糕吸引住。佢地D蛋糕一D都唔台式(因为我去过台湾，除左AGNES B既蛋糕好D之外，台湾D蛋糕始终唔及日本同法国)，但系佢地D蛋糕又唔系台式WOR，款款蛋糕都好靓，好有酒店级水准，个人认为价钱尚可，值得一试，最后买左4件，哈哈，我个人比较懒，冇影到入面层次>.<。佢有十几款，幸运地我买个4款都唔错，等我简单讲下，印象最深系绿茶蛋糕，好多层次，好丰富，好香绿茶味，同时又唔会太甜，我觉得如果钟意绿茶产品既人可以试试。第二系芒果拿破仑，我觉得呢个最重要系个酥皮，我个日其实有谂过唔买，因为我怕酥皮会唔脆，估唔到摆到夜晚食都仲好脆，又够香，值得一赞。第三件系RASPBERRY 蛋糕，一睇都知系OPERA，层次好分明，做得好有水准，我觉得最有水准系个面，好有raspberry 味，唔会太甜，又唔会太硬，第四件系红色长形既，唔记得咩名，总之食到有几种味，柠檬芝士，士多啤梨，小小香蕉味，都几夹。呢间应该会en