Plato (已搬遷) 新店位置

当日八点到达目的地啦，成日爆满，坐无虚席呀，不过咁岩有人埋单走，我地4人等一阵就有位坐了。嗌左2个2人set，分别有餐汤同埋小食:蛋黄酱薯条同凯萨沙拉做小食头盘，整体质素相当唔错。薯条用粗薯配以蛋黄酱，平凡小食但又会令人食唔停口。另外，我地亦叫左水牛城鸡翼，相当好味呀。酸辣甜既比例恰到好处，汁酱都能够包晒成只鸡翼之余又唔会令个皮淋晒，值得一赞。而黑松露意大利饭都带住好香既野菌味，略嫌食落愈食愈腻。大虾天使面反而有惊喜，食落浓浓既虾味入晒落个天使面度而且无腥味，食面已经好似食紧只虾咁，所以一食落去好有惊喜。另外仲有主菜牛扒同鱼，好满足既一餐呀，同朋友一齐享受左个好好既夜晚，最后以movenpick雪糕作结，食到好饱，系同三五知己聚聚旧的好地方呀。