火星料理 (已結業)

呢日约左个朋友喺观塘食晚餐，最近观塘咁多工厦食肆，咁我地就openrice下有乜韩国野食好试。见到火星料理嘅食评都唔错，咁就去左试一试。一去到唔驶等位就有得入去。隔离桌系一班韩国人，连当地人都黎食，即系够地道啦，咁我地系黎得啱既，沾沾左一下。同好多韩国餐厅一样，坐低就会有几碟前菜。味道都唔错。个茶值得一赞，好香！所以我地都唔叫饮品啦。两个女仔食得唔多。叫左一个辣杂菜海鲜锅同芝士海鲜煎饼。个海鲜锅唔会太辣，我朋友唔太食得辣都食到。锅入面好多好多海鲜，有八爪鱼、虾、青口、蚬等等。而且材料系好新鲜！！！好钟意个八爪鱼，真系好爽口。记得有次去其他地方食既海鲜锅，入面既八爪鱼系硬既...所以今次食到呢个八爪鱼咁新鲜觉得好满足呀！！！万众期待既海鲜煎饼黎啦！其实一个锅已经好饱，但我朋友今日好想好想食煎饼，所以叫左个海鲜煎饼。唔好睇个价钱有啲贵，我个人觉得系物超所值。一上菜已经闻到阵香味。煎得好香呀～～～我地忍唔住同老板娘讲话个煎饼真系好香好好味，老板娘话佢地慢慢煎所以先咁香。果然慢工出细货呀下！同个锅一样，材料又足又新鲜。而且同一般既韩国煎饼唔同，呢到既煎饼系厚身啲，要包住咁多材料确实系唔可以太薄