Le Viet (已結業)

平日夜晚19:30去食，book左枱，即刻有得入坐。两个人坐左四人枱，可以望到街景，几舒服同好坐，唔会迫。好彩早d去食，晏dd就好多人。食物方面，叫左咖哩牛腩配法包，椰汁炒饭，鲜虾米纸卷同青柠梳打。卖相全部都好吸引，咖哩汁好香，虽然份量唔算好大，但料足，有好多牛筋，薯仔同洋葱好大块。椰汁炒饭系最有惊喜既一样，味道好有层次，有椰汁既香甜但唔会太漏，又有d咸香味，份量好足，有虾，鱿鱼，青豆，提子干，好丰富。米纸卷正常，有薄荷叶系里面，好清新。青柠梳打味道正常，唔错。服务上，侍应有礼貌，唯一做得唔太好系无切开法包，要问佢地攞刀叉自己切。性价比正常，300 几 两个人，食到好味既越南野而且好饱，如果多d人去可以叫多几碟野试下就仲好。