明星海鮮酒家

营业中

休息中

今日去朋友屋企玩，到晚饭时间就去咗楼下𠮶间明星酒楼食饭，明星酒楼一向比我嘅感觉都系麻麻哋，不过今次食完之后对佢嘅感觉完全改观哂。以酒楼嚟讲佢嘅价钱非常亲民，小菜最平 $58 蚊已经有，而且晚市仲有好多优惠，三个人食叫咗京式片皮鸭、蒜蓉开边蒸虾、椒盐吊桶拼豆腐。京式片皮鸭 ($138) : 卖相非常精神，外皮够脆肥瘦适中，而且鸭肉味浓郁，呢个价钱有啲咁嘅质素，真系估佢唔到，性价比非常高。蒜蓉开边蒸虾 ($78) : 虾嘅份量几多而且几新鲜，粉丝又够入味，除咗系卖相差啲之外。椒盐吊桶拼豆腐 ($78) : 吊桶同豆腐炸得够香脆，吊桶鲜味十足之余椒盐味亦非常浓郁，食落相当惹味。