After You Dessert Café (已結業)

呢间泰国过江龙，喺佢一开嘅时候已经俾佢嘅广告吸引咗，因为我非常之钟意食咸蛋菜式，所以我见到佢嘅咸蛋厚多士就即刻想去食，但系开张𠮶阵要排好耐队，所以我都系决定迟少少先去。今次约到同好一齐去食，我哋就点咗我嘅目的甜品。一试之下，果然非常之啱我口味，咸甜之间嘅比例捉得非常好，绝对唔会觉得有咸有甜好奇怪。佢仲另外配左甜甜地嘅咸蛋黄酱，要嚟点多士，真系好一流因为实在太好食，所以我忍唔住再点多另外一款试吓，呢个都系佢哋嘅招牌菜，芒果糯米饭厚多士。可惜，呢个甜品就令我有啲失望，芒果唔够甜，糯米饭雪糕生果同酱汁嘅比例拎得唔够好，非常普通，如果以呢个价钱嚟讲就绝对唔抵食。