大滿屋日本料理 (已結業)

好耐都冇食过放题了，见哩间新开又好平咁就一于试下。食左唔小款式嘅野食，以下系比较推介嘅食物。虎虾，上嘅时候已经拌左酱料，有小小辣，虾嘅味道都好新鲜。刺身黎讲，墨鱼同虾都系我比较中意嘅，好有鲜味，而且啲虾唔系甜虾，系比较大只的。烧物只系食左海虾，个外壳会比较咸，但剥左之后虾肉嘅味道岩岩好。海胆亲子花之恋，海胆味好出，配合埋花之恋，真系好正，饭又唔系好大旧，一定要试啊。总括黎讲所有食物味道都唔差，而且环境同上菜嘅用具都好优雅，好似婚宴式布置。