麺屋武蔵二天 (已結業)

落街买外卖，见呢间沾面未试过，就买嚟试吓。叫咗两个沾面同小食。芝士海老鱿鱼卷 - 好多块芝士铺面，几得意嘅口感，好似系春卷再用芝士包住，几可口。吉列广岛蚝 - 好juicy，同埋好几有鲜味。二天沾汁面 - 配鱼介酱油汤，猪扒上面有黑白芝麻，好香。糖心蛋好滑，好香甜。酱油汤好清新，配坑纹面好食。日月沾汁面 - 配担担浓汤，好杰身，同个面味道好夹。坑纹面挂汤力强，面条好入味。一块块嘅炸物原来系鳗鱼，好惊喜。只海老好大只，肉质弹牙。原来Foodpanda外卖有优惠，满$100减$30，下次再叫先。