小農夫燒烤食屋 (已結業)

闲日放工和朋友经过荃湾沙咀街，见到一间以串烧和烧海鲜作为卖点的小店，当然要去支持一下，食落至知 - 有惊喜！先讲食物，呢间小店可以用「麻雀虽小 五脏俱全」黎形容。肉类方面，猪牛羊鸡，每样都有，仲唔话得嘅系，一串一串嘅肉类绝对系经过挑选而且有心思嘅排列，以羊肉串烧为例，羊肉同脂肪嘅比例就系刚刚好，羊脂太少就不会香口，太多又会导致臊味太重，小农夫便在这方便做到刚刚好。 羊肉串烧以外，不能不提嘅就系鸡软骨，除软骨部分外，仲会附带上适量的周边组织，从而提升整体嘅口感。除左肉类串烧，另一卖点就是海鲜。 小农夫提供无限量嘅海虾、生蚝、青口、鲜鱿鱼、八爪鱼、多春鱼等等，仲有重中之重嘅龙虾，对于钟意食海鲜嘅我们绝对系天堂。食物以外，烧烤炉亦系小见嘅自动旋转式烤炉，岩晒我们这种懒人，省去了帮串烧翻身嘅工作，令我们可以更专心地进食。 调味料方面，更有三种烧烤酱汁和六种味粉，组合之多，可以令你每啖都系唔同嘅味道。有人可能怕自己动手，食物会唔熟或者过熟，但呢方面嘅贪心原来系多余，老板好有心思地将各种食物的烧烤时间都一一列出，站系客人角度解决晒所有烦恼。试问咁嘅食店，点可以大大力咁比LIKE 呢！