意粉屋 (已結業)

前几日同男朋友去意粉屋，好耐冇食过，原来连menu都换左好多新款菜式。先order左哈密瓜风干火腿伴意大利黑醋，哈密瓜大份又甜，再加埋火腿咸咸地，一齐食真系一流。重点系估佢唔到几平，一份都系~$70，平时出面餐厅应该唔只呢个价。好钟意食薄脆pizza，食几件都唔会太饱。今次试左个新既烟肉大啡菇黑松露酱薄饼，一黎到闻到黑松露味就心心眼了，而味道都唔错，夹埋大啡菇感觉fresh啲。最有惊喜系个芝士焗鸡肉烟肉千层阔卷面，第一次见呢种意粉煮法。佢用千层面卷住啲馅料，焗到个面少少脆。最好味系个汁，好creamy，夹埋啲馅，唔觉唔觉就食左2件。好满足既一餐，好味。