利寶閣 (已結業)

食过无数次日式放题，今次第一次食中式放题。每人有鸡汤、鲍鱼花菇同奄仔蟹各一份，其他嘢食可以无限任叫。花胶响螺鸡汤丰富足料，饮落味道鲜甜够浓味！鲍鱼大大粒炆得好腍，花菇都好厚肉。而奄仔蟹虽然唔系好大只但好新鲜，仲有三种食法任拣，我就拣咗清蒸。嚟食中式放题嘅主要原因系有片皮鸭食！师傅即场将片皮鸭切片，有埋青瓜京葱等配料任拎，好满足。皮簿肉嫩好正！仲有酸菜鱼食，不过味道唔够浓。反而花雕醉虾酒味好重，啱晒啲爱酒人士。甜品方面就试咗马拉糕同杏仁茶。黑糖马拉糕好松软，而蛋白杏仁茶就好浓杏仁味。间唔中食吓中式放题都唔错。