囍串

营业中

休息中

一入到黎已经觉得几好，因为呢到唔似一般既串烧铺，呢到唔会大烟，地方又干净! 另外呢到仲会有个炉仔，一有串烧就会摆上去，可以保持温度，又几贴心! 平时好少见串烧铺有奶酱西多士，所以就叫左。 好好食!!中间就好浓既花生酱味，外皮好焦脆，建议大家一定要试下! 烧韭菜好香，份量都OK。烧鸡皮好香口，脆卜卜。鸡中翼好入味，而且啖啖肉。羊髀肉都好好食，肉质唔会柴。茄子超足料，配味岩岩好，唔会过咸。重头戏系花甲粉丝，呢个真系必食，个汤系超香，带少少辣。粉丝吸晒汤，真系一啖接一啖咁食，感觉作为宵夜咁食都好岩! 花甲都有好多粒~ 够足料，入面仲有D煮到好淋既洋葱，好食! 野饮方面，叫左大大杯既柠茶，份量多到似2人份!