影片
更多
2021-08-19
178 浏览
喺旺角行街，见到呢间新开冰室，就入嚟试吓～精致晚餐A 烧汁香草羊扒烟肉配薯菜 套餐送莲藕绿豆章鱼汤 $73除咗薯菜之外仲可以拣白饭同意粉，汤方面亦都有罗宋汤拣。本身冇谂过冰室真系会做到精致，点知上到嚟摆盘又靓，份量唔少。羊排有两件，啲汁几好食，连我尼个唔太食羊嘅人都觉得好食🤟🏻佢啲薯菜系炸薯角同西兰花，仲有三粒车厘茄，朔埋啲汁超正🥰比较惊喜嘅系竟然有中式汤，仲要好好饮，有两大旧莲藕系入边，比起罗宋汤真系10分推荐！泡菜鳗鱼炒饭 $69上黎真系好大碟😂细食嘅话两个人分都太多，佢有比几块泡菜，个饭有蛋，有菜粒，鳗鱼切得大粒啲就再好啲啦～不过炒饭通常所有配料都好细粒，都冇乜所谓😂个饭都几有镬气，系几好食嘅。芒椰蜜桃冰 跟餐加$10好甜😂但佢有比几块蜜桃，上面又有椰奶，冰室来讲卖相真系几靓。因为系新开所以环境都几靓，够光猛，员工都nice。我哋唔小心倒泻咗杯水见到都即刻过嚟抹，枱面上面啲辣椒酱都系独立包装，比较卫生。但始终系冰室所以环境会嘈咗少少，不过最重要嘅食物都好满意！野又好食卖相又好，希望水准可以keep住有啦，旺角呢区晚市做到咁平，又好食又大份嘅已经唔多啦～
精致晚餐A 烧汁香草羊扒烟肉配薯菜 套餐送莲藕绿豆章鱼汤 $73
除咗薯菜之外仲可以拣白饭同意粉，汤方面亦都有罗宋汤拣。本身冇谂过冰室真系会做到精致，点知上到嚟摆盘又靓，份量唔少。羊排有两件，啲汁几好食，连我尼个唔太食羊嘅人都觉得好食🤟🏻佢啲薯菜系炸薯角同西兰花，仲有三粒车厘茄，朔埋啲汁超正🥰
比较惊喜嘅系竟然有中式汤，仲要好好饮，有两大旧莲藕系入边，比起罗宋汤真系10分推荐！
泡菜鳗鱼炒饭 $69
上黎真系好大碟😂细食嘅话两个人分都太多，佢有比几块泡菜，个饭有蛋，有菜粒，鳗鱼切得大粒啲就再好啲啦～不过炒饭通常所有配料都好细粒，都冇乜所谓😂个饭都几有镬气，系几好食嘅。
芒椰蜜桃冰 跟餐加$10
好甜😂但佢有比几块蜜桃，上面又有椰奶，冰室来讲卖相真系几靓。
因为系新开所以环境都几靓，够光猛，员工都nice。我哋唔小心倒泻咗杯水见到都即刻过嚟抹，枱面上面啲辣椒酱都系独立包装，比较卫生。但始终系冰室所以环境会嘈咗少少，不过最重要嘅食物都好满意！野又好食卖相又好，希望水准可以keep住有啦，旺角呢区晚市做到咁平，又好食又大份嘅已经唔多啦～
张贴