b.o.t.h. by Texas Burger

营业中

休息中

以往对墨西哥餐厅既感觉系好重味道，好腻。今次试既呢间墨西哥餐厅，主打食burger，又试下有无惊喜，如只论食物质素，个人认为一定会再去。今次试了3款食物：墨西哥手撕猪肉三文治面包好厚，但烤脆了，唔会好难咬开，里面有好多，系好多墨西哥酱汁猪肉丝，有啲生菜同埋 腌咗嘅酸菜伴碟，食落冇咁油腻。德州烧烤牛肉汉堡一出黎，好巨型既感觉，无可能一口咬得哂，我就攞走两块炸洋葱圈先，咁就可以一大啖咁咬哂所有料，块汉堡真心觉得正，超juicy，medium rare 加埋脆口烟肉，食完已经想再order 。慢煮澳洲牛面颊菠菜意大利饭本身对意大利饭既兴趣不大，not my favorite ，食落啲米都唔系熟哂，有咬口，味道就一般，无乜特别之处。最后，希望餐厅可以改善服务质素，门口位无人招呼，客人自出自入咁，员工对客人好似视而不见定系眼睛有问题呢？举哂手都无人理，叫佢加少少水要好耐，已经唔爆场，如果全场爆满，真系难以想像。