南洋 (已結業)

每次去食嘢，如果见到有杂锦拼盘呢啲就一定会叫，今次都唔例外，可以试多几样嘢，呢个拼盘有猪扒、春卷、鸡翼、无骨凤爪、炸虾饼，每样都好好味，唔会油腻，食完其实都会有少少饱。有两样嘢觉得惊喜嘅，第一样系佢个南洋海鲜喇沙掺掺，汤底味道好浓郁，喇沙嘅味道同奶嘅味道相配得几好，一碗里面有米粉都有好似意粉嘅面，两种面加上汤底，再有埋唔同嘅海鲜，碗嘢性价比高；第二个惊喜系佢杯牛油果沙冰，觉得佢个口感似奶昔多啲，味道好好好，一路饮同朋友一路赞杯嘢，有机会要试，都有饮原只椰青，味道清甜。仲有金沙骨肉骨茶，系我哋钟意饮嘅味道，药材味浓，连啲金沙骨都好入味，一饮就可以饮好多，正！呢度嘅环境装潢都令人几舒服，坐得都舒服，服务态度好。