第一郡 (已結業)

以往工作路过深水埗时已经想试这间餐厅，但一直冇机会，今日同友人路经炮台山见到佢开左分店，见到有位就入去试下。我个人好钟意食捞檬，所以叫左一个扎肉捞檬，而我朋友惊份量唔够，所以叫左一个三色蛋猪扒饭。个捞檬系好有小店味道，平时自己加落去的酸汁，铺头已经一早帮你落左系底，份量岩岩好，个捞檬唔会太干身或湿身，而伴菜的冬笋丝、甘笋丝配合由青柠汁、鱼露制成的酸汁绝对一流。檬粉的面质唔会太硬或瀮，相当好味，而酸汁亦十分入味，最有惊喜系个扎肉，比起出面餐厅厚身，亦有肥膏系上面，有少少似上海的镇江肴肉，配合埋酸汁，非常好食。至于我朋友的猪扒饭，佢就话麻麻地，猪扒偏甜同埋有猪腥味。