匠心廚房 (已結業)

有朋自远方来，带佢食好啲先。搭地铁喺尖沙咀站iSquare出口出咗之后对面马路就已经到餐厅。我哋6:00嚟到尖沙咀匠心厨房。餐厅环境高雅，有气派。黄金脆豆腐（$78）：豆腐豆味浓。趁热食时个皮更脆。脆皮牛坑腩（$238）：坑腩肥瘦相间，牛味重。炸皮簿，口感松脆。姜葱生蚝煲（$288）：大量嘅姜葱蒜，香味渗入生蚝入边，想唔好味都几难。蚝有大概5-6只。咬开肉质Creamy。避风塘炒海虾（$288）：海虾有大概七只。配以大量嘅香葱炸蒜同辣椒一齐炒，香味四溢。海虾经过油泡后依然保持到肉质。