Marco's Oyster Bar & Grill (已搬遷) 新店位置

有晚经过呢间餐厅，门口有位叔叔弹结他唱歌，比佢吸引咗入去装修以蓝白色为主，充满希腊风情。当日系假期，但晚饭时间个场都唔full，有啲冷清，本身惊会中伏，但既然坐低咗，即管试下！打开餐牌，觉得几抵食，百几二百蚊一个餐，有齐沙律、餐汤、主菜同饮品，甜品就好似要加$15左右。叫咗两个餐，其中一个餐包两只生蚝。生蚝大大只，但较偏身，唔系平时喺酒店食开𠮶种涨身嘅即开生蚝，但当然咁样比较系唔公平，因为两者价钱争咁远。以呢个价钱黎讲，生蚝都算唔错喇，有淡淡海水味，蚝肉够大，咬落口感丰富，不过有少少涩味。沙律细细碟，但都有两块大块嘅巴马火腿，香味唔算好浓，但都唔差嘅。最惊喜系个黑松露蘑菇汤!!!虽然冇黑松露味，但蘑菇味非常浓郁!!!好好饮!!!通常呢个价钱只会饮到罐头汤/沟好多粉嘅劣质忌廉汤!至于主菜就不过不失，叫对得住个价钱啦！成餐饭最满意就系个mushroom soup!加上呢到人较少，唔怕嘈，又有人弹结他唱歌，价钱咁平又食得好饱，下次再去西九，都会考虑返黎呢到！p.s. 呢到嘅侍应好似都系讲英文为主，以呢种价位嘅餐厅黎讲都几少见。