天心 (已結業)

紀念日同另一半慶祝下，嚟到呢間日本餐廳食左個靚鍋物~雖然個入口位有d難揾，但一入到餐廳裡面都好大，同埋天花板有好多好靚嘅日本傘，裝修好有心思！Menu都有好多選擇，有拉麵🍜，串物🍢，鍋物🍲等，仲有超過100種嘅日本酒放題，$298 就可以無限時任飲，$398 有埋星級清酒無限時任飲，啱晒鍾意飲酒嘅朋友仔🍻 酒櫃隔離仲有個打氣清酒bar, 夠晒特別，喺香港亦好少見~我地慶祝就緊係要開香檳啦🍾所以叫左個廣島蠔香檳鍋，望住佢即場到左半支香檳落個鍋度，味道超濃郁~ d蠔🦪好鮮甜軟滑，咬開有少許流心🤤兩隻蝦🦐好爽口彈牙又大隻🤩食完海鮮就食返d菜清一清，樣樣都好新鮮，仲有埋薯粉，食完都full full地，但始終忍唔住叫埋個芝士雜炊，望住佢用左我地個精華湯底去整個飯，再撈埋d芝士，過程好治癒，芝士味mix埋個香檳湯冇得輸😋食完主菜嚟到甜品，原來係日本直送嘅Runny Cheese. 我地叫左個開心果羽二重芝士奶油夾心餅，裡面夾住軟糯嘅麻糬同細滑嘅開心果Cream Cheese, 口感好特別😍個宇治抹茶芝士磚都唔錯，抹茶味幾甘香，又唔會太膩😚