小林札幌拉麵

营业中

休息中

琴晚系奥海城睇戏之前，系附近揾野食，拣左呢间拉面小店，主打札幌拉面，著重用味噌做汤底，一于试试佢。🔸招牌牛油拉面、北海道酱油拉面🍜牛油拉面系香港都比较少食到，呢个拉面就正正系味噌汤底，汤底浓郁，加左牛油🧈唔油腻，都几香。札幌拉面除左味噌底，酱油汤底都系另一主打，所以另一碗就拣左酱油味，味道香浓，唔会过咸。面底幼身都几弹牙。不过块叉烧就无咩特别。🔸自家制饺子🥟炸鸡🍗饺子真心好食！比起好多拉面店个啲雪藏饺子，呢到既饺子馅料好丰富，胀卜卜，咬到冬菇粒，调味唔错，煎得香口😋炸鸡望落有啲干，但一咬好有肉汁，而且都几滑，有惊喜啊😛一人餐有拉面、小食同饮品，都唔贵，小店仲有送薯仔沙律，估唔到都几creamy，仲有洋葱、芽菜，口感丰富。