赤山風味料理 (已結業)

今晚去左新蒲岗广场行下，唔知食咩好，见到有间日本野又几多人食，价钱又唔系贵就入左去。环境唔算大，不过胜在坐得舒服。我地叫咗大概10分钟就有得食。首先，我哋叫咗赤山风味沙律。价钱＄38，但份量都算几多，点左芝麻酱几好食，竟然有牛油果，感觉几高级。当中嘅薯蓉都好有牛油香味。铁板一口牛粒好谂身，烧得好香，好香口，两个人食啱啱好。另外都叫咗个铁板带子，每口带子都充满蒜蓉香味，好新鲜，调味都很好。之后就叫左我最爱嘅金菇肥牛卷，个烧汁好好味，牛肉都烧得啱啱好，配埋金菇就减低左个油腻感。主菜我哋叫咗原条蒲烧鳗鱼饭，鳗鱼足足有上手臂咁长，亦都好厚身，烧汁都好浓郁，价钱$108，个性价比比其他餐厅都算系高，再配埋一个面豉汤，不过个汤就比较普通。芝士海鲜锅，成个面都铺满芝士，好浓稠。里面有青口，鱿鱼圈，蟹柳，椰菜，金菇......每口都充满芝士香味，不过食多几啖，就真系有点济，但就真系好好味。炸物方面我哋叫咗鲜虾天妇罗，只虾好新鲜，弹牙，我朋友食埋个虾头都唔觉得苦啊。最后我哋两个人埋单＄504，日本料理来说食到咁嘅水准都唔算好贵，因为我哋都真系叫咗好多嘢食。