阿玖里 (已結業)

带住两个小朋友去黄埔乐园玩，个个都又攰又饿....就去左附近个food court 睇下有冇新野！巡视左一圈，最后都系拣左呢间台湾野，始终台湾野比较受我成成员欢迎！我地点左祖传鸡肉饭，新竹炒米，红烧半筋牛肉面，当然唔少得人气高企既奶盖系列！难得food court 有台式饮品，仲要系我最爱的奶盖，即刻变心心眼😍点左菜返埋位等，谂住即叫即整冇咁快有得食，点知唔够10分钟就开始可以拎食物喇！个半筋牛肉面好正，汤底有小小辣，可以刺激下味道，伴菜既萝白好淋好入味！至于个鸡肉饭，有惊喜啊⋯⋯原来啲鸡肉已有撕成鸡丝，带住两个小朋友都唔会惊食到周围都系！唔洗10分钟，两个小朋友就食晒个碗鸡丝饭！我至爱的奶盖果然冇令我失望友人话可以媲美喜茶奶盖！