Caffe Paradiso

营业中

休息中

难得闲日放假，就同朋友入梅窝行下。见到网上有人推介呢间cafe，可以望住个海叹咖啡。点知用咗唔少时间去揾，仲去到同期望有少少落差。因为间cafe其实好细间，仲要唔系正对住个海，门口只得2张细枱系可以侧侧地望到个海。虽然冇想像中咁chill，但啲嘢饮就令人喜出望外，总算弥望咗期望过高所带来嘅失望。我哋坐喺门外嘅细枱，老板就好亲切咁走出嚟同我哋落单，结果就发生咗一件虾碌事！我哋饮完嘢以为一早畀咗钱，于是直接拍拍箩柚走人，到醒起时铺头已关门！幸好拍门后仲有伙记未走，我哋畀返钱佢时佢都呆咗😂😂😂😂好好笑📍坦桑尼亚泡沫咖啡 (Small $35)有厚厚一层嘅泡沫，可以按个人喜好洒上朱古力粉，咖啡微酸而不太苦，完全正中我口味！📍浓缩咖啡沙冰 ($39)冻饮一样咁正，第一次饮咖啡沙冰，估唔到咁好饮㖞，微甜而且好够咖啡味。