波仔

营业中

休息中

自己一向都有食开波仔嘅叮叮饭同粥，今日黎到荃湾周氏大厦嘅新店就入去行吓。印象中波仔店有叮叮饭、叮叮粥、糖水同沙律菜，估唔到依家仲多咗好多款式嘅食品，例如有虾饺、肉松粢饭、鸡软骨、薄饼、小笼包、馒头、炆猪手等等，而且仲有其他干货卖真系与时并进。依家仲有埋熟食区，提供小食、蒸饭、咖啡、汤水等等，最后买咗份西多士同其他叮叮食品返屋企叹吓。返到屋企即刻食西多士，西多士厚身之余口感松化，花生酱亦够香，呢个小食都几有惊喜，之后见有啲口痕再整埋个香辣猪肉炒河，炒河几足料，味道唔差带少少微辣。晚餐加𩠌煮咗南乳花生炆猪手，猪手份量几多有五只，猪手炆得够软腍，南乳汁亦非常啱屋企人口味，屋企人仲问我呢个𩠌喺边间小菜馆买。