石澳樂園 (裝修中)

星期日， 影相影到三點零鐘 ，想搵間舖頭飲下野醫下肚 。見呢間門面都唔錯， 睇個餐牌啲食物都幾啱食， 決定一試 。全場滿座， 要自己企門口排隊等位， 好彩大概等咗十分鐘就有位喇 。手推椰青，大大個， 清甜可口 ， 涼到入心， 椰青肉都好香甜。 我哋仲叫咗半打沙嗲， 雞牛各半， 肉質嫩滑， 燒得香噴噴， 唔使點沙爹汁都好好食，點埋更惹味呀 泰式炒飯可自選豬，牛，雞，我地揀咗豬肉， 新鮮熱辣好惹味 。 薄餅份量十足。 應該有三塊 ，每一塊切開四小塊，煙煙靭靭， 加埋少少沙爹汁一齊食， 正價錢合理， 味道又好 ，唔怪得咁多中外食客去呢度食嘢啦