曼谷車站

营业中

休息中

试过几次经过这里睇医生都见到有间泰国菜馆叫 曼谷车站，一路都很想入去试下，昨日下午终于有机会。场内装修得像坐在火车上品尝食物， 又新鲜又有趣。 每次到餐厅都最钟意睇餐牌， 睇完一轮之后决定点海南鸡饭$68，虾炒金边粉$62， 马拉盏炒椰菜苗$59， 芒果糯米饭$48， 热奶茶$32。海南鸡饭 ~ 黄油饭香喷喷，鸡肉肉质鲜嫩。虾炒金边粉 ~ 每次吃泰国菜必叫的，喜欢甜甜酸酸的味道，又开胃又好味。这个金边粉炒得够干身， 一碟大约有三至四只虾。马拉盏炒椰菜苗 ~ 有少少辣够惹味。芒果糯米饭 ~ 泰国甜品首选， 糯米饭热辣辣够烟韧， 芒果是用泰国芒果又甜又香， 配埋椰汁的香味，食到停唔到口。热奶茶 ~ 反而饮品方面就没有特别，如果可以做到泰式奶茶的效果就更好了。第一次到曼谷车站，个人感觉食物质素唔错和价钱优惠， 是一间可以继续帮衬的餐厅。