巧得鍋 (已結業)

知道老公最爱食火锅，所以每个月都会同佢食一次， 最近发现系观塘成业街果边开左间新的火锅店， 趁大家收早一齐去试下~ 店好大下，虽然新开，但都好多人食， 一坐底已经送上荞麦茶， 浓浓的麦味，好香~ 火锅系散点形式，亦有套餐， 岩晒我地呢d有选择困难症的人，最后点左2人套餐~ 呢度的餐具好特别， 仲提供9款唔同的酱料俾客自己调酱~ 凉伴小食有我最爱的麻辣云耳、 老公最爱的酸辣无骨凤爪，份量都几份， 云耳麻辣味够浓，非常惹味，凤爪爽口醒胃~ 汤底点左<花胶竹丝鸡锅>， 大大只鸡，份量足够3-4个人食，肉质鲜嫩肥美， 汤入面仲有好多材料，如杞子、龙眼内肉，仲有大大只的花胶， 个汤好鲜甜，胶质浓郁~ 主角<牛肉并盘>，系不同部位的安格斯牛， 包括挂架上的牛颈脊，仲有牛肉粒、牛肩胛、牛舌~ 卖相精致，牛味浓郁~ 呢度的炉一边系火锅，一边系烧， 一次过满足晒两个愿望~ <海鲜并盘> 非常丰富，有扇贝、青口、广岛蚝、蟹柳棒， 大大只又新鲜~ 另外仲有老公最爱的蜂巢豆腐、手打虾丸&墨丸、 安格斯牛肉饺等等~ <蔬菜并盘