麻甩佬狗仔粉 (已結業)

其实经过呢间舖头多次都唔敢入去，因为个店名够哂麻甩，好似好伏咁。但今日放lunch突然好想食狗仔粉，于是就俾次机会佢啦。餐厅楼面唔大，落单用纸仔形式。菜单选择方面，除左有狗仔粉，仲有凉拌，卤味，小食，糖水同豆腐花，都几多元化。我叫左一碗细既狗仔粉，但其实份量对女仔黎讲都几多。下午茶时段只系$24， 抵食！狗仔粉望落好普通咁，有几粒猪油渣，几片冬菇片同埋葱作配料。重点系个汤底，汤底好重虾味，见到细细只虾米、虾皮，非常鲜甜。狗仔粉就不会过淋身，有咬口。每张台上都会有调味架，包括菜脯（有辣有唔辣）、麻油、胡椒粉。食既时候每样落少少，令成碗狗仔粉更惹味。另外仲叫左件卤水豆腐，豆腐有半只手掌咁大，卤水入味，带少少甜味，唔错。总括黎讲，系无咩期望下，呢间狗仔粉都算系性价比高，穷L恩物，我会再回头。