稻香 (北海中心) (已結業)

是日系铜锣湾行街，所以约屋企人系附近食晚饭，原本计划既餐厅去到竟然倾闭了，见到隔离有间稻香就上去，一行四人食小菜唔使排队。叫左个推介三宝（$499）先上例牌烧鹅皇，份量唔少，皮有少少脆口，唔错。什菜煲好足料，真系咩菜都有，仲有花胶，味道几好。仲有条清蒸海星班，好滑无腥味。另外加多个鲍汁炆猪膝，有两大旧，多肉好淋好入味，连周边既配菜都好食。整体有惊喜，原本以为会平平无奇，无谂过又唔错㖞，可以再黎试。