影片
更多
2017-05-01
1644 浏览
次次都要食素的朋友就我地揾食，今次决定由佢带我地六个去试新野。自问平时都系食肉兽，曾经一时贪得意去过荃湾一间素食的食Dinner，啲野食Portion系大份，但系个味道就淡到我问佢拎咗两碟豉油都唔够我点，又唔系好食，多人又坐得唔舒服，永不Encore!!!自此冇再谂过再帮衬素食菜馆。今次有朋友带路去咗呢间新开业的同德素食，系尖沙咀宝勒巷啲单幢新式大厦，唔系有人带路都唔知宝勒巷系有素菜馆。 可能因为新开所以唔系多客，一去到就有位坐，啲装潢都真系几靓，一啲都唔似出面啲中式菜馆。望下个Menu，有日式寿司，有泰式冬阴公汤面，仲有川菜同鸡煲!!!!! 真系估佢唔到，仲要俾我地个朋友笑我地五个大乡里!!!!六个人叫咗六样野食，谂住佢尖沙嘴区单价set得平就唔方大碟得去边。点知我地六个都谂错晒，碟碟都足料嫌大大碟。牛油果天香卷(4件) $40牛油果Fans实like，唔会一夹就散金龙卷(8件) $78估唔到素食都有素三文鱼，望落个样同真的冇分别，都系点豉油同Wasabi食，张相影出嚟摆上IG一啲都唔失礼!芒果香酥豆腐 $72呢个睇个名都知大概系点，谂住唔会有乜特别，点知佢既特别之处系炸得好好，粉桨
今次有朋友带路去咗呢间新开业的同德素食，系尖沙咀宝勒巷啲单幢新式大厦，唔系有人带路都唔知宝勒巷系有素菜馆。
可能因为新开所以唔系多客，一去到就有位坐，啲装潢都真系几靓，一啲都唔似出面啲中式菜馆。
望下个Menu，有日式寿司，有泰式冬阴公汤面，仲有川菜同鸡煲!!!!! 真系估佢唔到，仲要俾我地个朋友笑我地五个大乡里!!!!
六个人叫咗六样野食，谂住佢尖沙嘴区单价set得平就唔方大碟得去边。点知我地六个都谂错晒，碟碟都足料嫌大大碟。
牛油果天香卷(4件) $40
牛油果Fans实like，唔会一夹就散
金龙卷(8件) $78
估唔到素食都有素三文鱼，望落个样同真的冇分别，都系点豉油同Wasabi食，张相影出嚟摆上IG一啲都唔失礼!
芒果香酥豆腐 $72
呢个睇个名都知大概系点，谂住唔会有乜特别，点知佢既特别之处系炸得好好，粉桨唔厚真正外脆内软。
水煮牛肉 $78
老实讲我真系冇谂过食素会有川菜食，仲要系水煮牛肉woooo。个卖相都似牛但系冇晒肥膏，食落口唔讲都唔知唔系真肉。今日可能客唔多，连师傅都出嚟介绍呢个𩠌，佢强调个麻辣唔系买汤包整系自己调，其实佢个麻辣都有谭仔4小麻辣咁上下!!! 如果唔系叫咗六碟𩠌真系好想叫个白饭捞汁食
麻辣鸡煲$108
初初估佢会系好似平时食开个种鸡煲有gas炉个只，点知上到枱原来系好似煲仔菜咁，呢个个鸡味同口感劲似，啱晒我啲食肉唔lur骨既人。
88 浏览
0 赞好
0 留言
冬阴功海鲜粉丝锅$78
食完啲麻辣水煮呢个冬阴功啲味就冇咁出，但系佢有素带子同素鱿鱼个样做得似模似样。
呢餐饭食得好新奇，最开心系埋单个时，下午茶时段有半价呀，加埋一每个人都系＄50有找!!!!!!!!! 超级抵食!!!!!!!!!!
如果有朋友想试新野或者屋企人食斋我一定会推呢间!今年母亲节唔使谂去边度食啦枱都book埋!!!!
张贴
