影片
更多
2018-08-22
1138 浏览
和一班好朋友聚餐, 揾左一轮, 我决定拣间港式老饭店去食, 说到尾都系想食返D香港菜式。由于是平日星期四, 呢间和记海鲜饭店唔难book位, 一行七人要大台不成问题。文英街附近有好多食肆, 例如老赵、串烧等等都食过, 唯独是第一次食呢间和记。平日夜晚, 呢间和记唔算爆场, 但夜晚7点半都有7成入座率, 可见佢都有唔少捧场客。话明系老饭店, 装潢系比较旧, 但却有老香港的味道。当然, 佢既卫生程度都系老香港的程度, 特别系个厕所......不敢恭维。无论如何, 菜式选择多, 你想得到的港式小菜都有, 而且质素绝对在平均水准之上。胡椒咸菜猪肚汤: 份量好足, 特别系咸菜, 劲多! 胡椒味好够, 猪肚亦唔会好韧。辣酒煮花螺: 辣度十足, 花螺新鲜又大粒, 但份量略逊一筹。烧鹅: 最有惊喜的菜式, 鹅味十足, 皮脆肉嫩, 感觉唔似话烧完放低好耐咁。好味到好快就俾人抢哂黎食。黑椒肥牛粉丝煲: 一班人食饭不败之菜, 粉丝入哂味, 牛肉量劲多, 又大块, 呢煲野够劲多人啰。呢间老饭店有捧场客, 真系唔难理解, 而成餐饭最惊喜系个价钱, 最后一人一旧水已经落到楼。今时今日系香港, 食呢D小菜, 真系好
由于是平日星期四, 呢间和记海鲜饭店唔难book位, 一行七人要大台不成问题。
文英街附近有好多食肆, 例如老赵、串烧等等都食过, 唯独是第一次食呢间和记。
平日夜晚, 呢间和记唔算爆场, 但夜晚7点半都有7成入座率, 可见佢都有唔少捧场客。
话明系老饭店, 装潢系比较旧, 但却有老香港的味道。
当然, 佢既卫生程度都系老香港的程度, 特别系个厕所......不敢恭维。
无论如何, 菜式选择多, 你想得到的港式小菜都有, 而且质素绝对在平均水准之上。
胡椒咸菜猪肚汤: 份量好足, 特别系咸菜, 劲多! 胡椒味好够, 猪肚亦唔会好韧。
辣酒煮花螺: 辣度十足, 花螺新鲜又大粒, 但份量略逊一筹。
烧鹅: 最有惊喜的菜式, 鹅味十足, 皮脆肉嫩, 感觉唔似话烧完放低好耐咁。好味到好快就俾人抢哂黎食。
黑椒肥牛粉丝煲: 一班人食饭不败之菜, 粉丝入哂味, 牛肉量劲多, 又大块, 呢煲野够劲多人啰。
呢间老饭店有捧场客, 真系唔难理解, 而成餐饭最惊喜系个价钱, 最后一人一旧水已经落到楼。今时今日系香港, 食呢D小菜, 真系好难揾到咁平啰。
张贴
