龍城冰室

营业中

休息中

今日嚟尖沙咀做facial，因为夜晚要上堂所以唯有五点零左右揾少少野食医下个肚先，经过依间冰室见到入边有好多选择，又有下午茶拣，决定入去试吓！喺冰室嚟讲入边都坐得几阔落几舒服，而且有卡位坐~scan qr code就可以落单，个系统劲多野食拣，搞到唔知食咩好，最后我拣咗招牌古早盐焗鸡饭，花生酱西多同埋柠檬可乐☺️首先讲佢哋嘅招牌古早盐焗鸡饭！一上枱已经闻到鸡香，鸡肉嘅份量好多，而且鸡肉亦都唔会话过分烹煮，令到肉质难咬，盐味渗透入肉，基本上都唔需要再点姜蓉！跟餐送嘅例汤系佢哋嘅老火汤，虽然唔知系咩汤，但系入边嘅材料亦都煲到超腍，鸡脚基本上亦都皮肉分离，感觉系煲咗好耐嘅老火汤讲完主食，一定要推介佢哋嘅特厚花生酱西多！真系厚到我担心自己食唔晒，新鲜出嚟嘅西多士真系唔一样，加上邪恶嘅牛油同埋糖浆，我切开已经见到中间嘅花生酱流紧出嚟，真系邪恶！另外比较贴心嘅位置系佢哋嘅糖浆系分开俾你嘅，所以你可以按照自己嘅需要去睇吓落几多。最后讲返杯无糖冻柠乐，唔系间间餐厅都可以拣无糖可乐，所以觉得都几贴心，加上食完西多士再配返无糖可乐真系透心凉！价钱方面都几亲民，喺尖沙咀食咁多嘢买单都系百零蚊～