影片
更多
2017-07-21
486 浏览
上星期五一行4人同個同事farewell, 原本訂左厚福街另一間蒸海鮮餐廳8:00，點知去到佢話要8:30先有枱，無計啦唯有等，順便睇下佢個餐牌，一睇就知中伙了，任食餐原來唔係任食的，只係以半價優惠點野食！性價比極低，二話不說即刻去搵其他餐廳！望過斜對面就見到潮福蒸海鮮，即刻行去睇下有無位！在門口睇下餐牌先！ok喎！8:30後入座$348蒸海鮮餐+任食和牛+火鍋配料+任飲汽水、啤酒、䉀水！一入去已見好多人在門口等（當時大約8:20），有個疑似老闆娘話8:30開始會陸續有枱埋單。好！就攞左9號飛排隊，叫埋其他3個同事上來等！等左大半粒鐘目測有幾張枱埋左單，當時已過左9:00，滿心期望會好快輪到我😌，再問下個老闆娘，點知佢話最快下張枱埋單係9:30😱！無計啦，等左咁耐唯有再等！但真係好肚餓，於是問老闆娘可否俾我地飲住野先！「當然可以啦！」太好喇！Feel到佢有少少唔好意思！佢即刻搵人攞野飲俾我地，算佢識做啦！😊等到9:40終於有得入座喇！一坐低急不及待submit order (好耐之前已填好🤣)好快就來左蜆、螺，有專人幫我地set時間，時間到又來幫我地開蓋，服務都唔錯！跟住再來蒜蓉扇貝、
望過斜對面就見到潮福蒸海鮮，即刻行去睇下有無位！
在門口睇下餐牌先！ok喎！8:30後入座$348蒸海鮮餐+任食和牛+火鍋配料+任飲汽水、啤酒、䉀水！一入去已見好多人在門口等（當時大約8:20），有個疑似老闆娘話8:30開始會陸續有枱埋單。好！就攞左9號飛排隊，叫埋其他3個同事上來等！
等左大半粒鐘目測有幾張枱埋左單，當時已過左9:00，滿心期望會好快輪到我😌，再問下個老闆娘，點知佢話最快下張枱埋單係9:30😱！
無計啦，等左咁耐唯有再等！但真係好肚餓，於是問老闆娘可否俾我地飲住野先！「當然可以啦！」太好喇！Feel到佢有少少唔好意思！佢即刻搵人攞野飲俾我地，算佢識做啦！😊
等到9:40終於有得入座喇！一坐低急不及待submit order (好耐之前已填好🤣)
好快就來左蜆、螺，有專人幫我地set時間，時間到又來幫我地開蓋，服務都唔錯！跟住再來蒜蓉扇貝、鮑魚、龍躉、乳鴿、和牛、大大件三文魚刺身。。。
海鮮都好新鮮呀，好鮮甜唔使點醬都好好味👍🏻😋😋😋！和牛很淋很有牛味，讚👍🏻，其他火鍋配料都唔錯！
老闆娘見我地等左咁等，私人醒每人一隻南非蠔，正呀！😍😍😍
跟餐仲送每人半隻龍蝦，當waitress傳上龍蝦果時真係喜出望外，好大隻呀😱😱😱！仲連埋龍蝦鉗！足足有兩隻手板咁長😱😱😱！放落蒸爐仲郁緊😱😱😱雖然聽落有少少殘忍，但。。。實在太興奮喇😍😍😍
總括今餐由好肚餓變好滿足，食物新鮮質素好，食服務都唔錯，性價比高，值得再來！但一定要book位！
张贴
