Tapa Room (已結業)

见呢间舖几间分店都几多好评，而每间分店都有特别既影相位，今次去左尖沙咀分店试下，位置上比较近佐敦山林道。 Book左7点半，晚市都唔算多人，而 (唯一) 最靓既打卡位就系门口出䢂既位置，有好多灯泡既装饰。 好似每间分店都有限定餐牌，所以除左主餐牌上既食物，店员推介尖沙咀店限定既几乎都叫晒黎试  薄切慢煮八爪鱼配日本海葡萄 ($98)，平时好怕八爪鱼会韧，但呢个好爽口，而且配埋海葡萄食既口感好fresh~  棒棒鹅肝配日本清酒 ($98)，鹅肝好香，质感好幼滑，配埋日本清酒口感系啱啱好，一啖鹅肝一啖清酒，食完都唔会有好漏既感觉。  西班牙黑毛猪火腿及柚子蜜茄子卷配日本柚子醋汁 ($68)，咬落去系沙律菜，少少草青味，配埋柚子醋，酸酸地都算开胃。西班牙小青椒 ($68)，咸左啲，好似一啖食左粗盐咁，少少脆口，个人认为如果无咁咸会更好食🥴 霹雳蜜糖烤法国黄油春鸡 ($188)，叫左一只既份量，鸡肉好嫩，好入味，即使系鸡胸位置都唔”鞋”。 烤煎慢煮西班牙黑毛猪鞍架配些厘醋烧汁伴炸薯粒 ($158)，猪鞍好厚，肉质好嫩滑，唔会好韧，好juicy！炸薯粒外脆内软，索左少少肉汁，好容易食到停唔到口。