Zappy (已結業)

约左朋友系铜锣湾食饭，上OpenRice睇下，见到呢间舖感觉好似唔错，所以就即刻订位试下。book左7点半，去到既时候只有1枱客人，过左一阵就满了8成了!初初以为呢间餐厅应该几大，原来唔系好大架乍，好在我地有book位!去到已经好肚饿啦，同友人睇过餐牌后，叫左2个意大利饭同每人加左$88转套餐，套餐包前菜、餐汤同埋野饮!饮品就系咖啡茶果D。大概坐左10分钟，前菜就黎啦!白酒煮蚬，洋葱配上蚬，味道非常好味!净系食呢个都觉得加钱加得好!鹅肝什菌汤，味道非常浓郁，唔会好稀，饮落都饮到菇粒黑松露蟹肉意大利饭，完全无谂过咁足料，个饭一黎到已经闻到好香既黑松露味，D蟹肉唔会得好少，而且已经捞左落D饭到!饭入面仲有菇，所以食落好香!香煎带子墨鱼汁意大利饭，带子好大粒，煎到外脆内软，个饭应该系加左柠檬汁，食落酸酸地，唔会好漏!同样呢个饭入面都有菇，感觉好full!其实食完个餐都好饱，但又好想试下佢既甜品，所以就叫左一个蛋糕同埋雪葩!北海道千层蛋糕，味道唔错，食落唔会好似Lady M咁漏，可能冇佢咁大份啦!菠萝雪葩(是日精选)，虽然比其他甜品贵，但真系好好味!个雪葩好菠萝味，但又唔会好似出面果D咁好甜!