Mini Friday (The Wave)

营业中

休息中

之前一直都知呢间餐厅有唔少好评，见价钱都合理就决定试试。我系经openrice book位，正价餐牌会有88折，但就唔包括套餐。点餐前已经有提供到小食，墨西哥脆片点千岛酱都几好食。Dinner set: 香烤澳洲羊架配薄荷烧汁 $238随餐会有田园沙律、餐汤及饮品。餐汤系红菜头忌廉汤，味道好浓郁。而沙律个组合上就有啲奇怪，会有埋平时台式饮品会饮到嘅爆爆珠。而个羊架系绝对有惊喜，本人系好怕臊味，但今次个味道系完全可以接受到，可能系因为薄荷烧汁盖过咗羊嘅臊味，而且啲肉都好嫩。饮品就拣咗热情苹果苏打，饮落去系劲甜，真系会觉得自己系饮紧糖水，要再另外叫多杯冰沟淡返个味。明太子忌廉带子手卷粉 $148手卷粉其实就系长通粉，而呢个粉嘅好处就系可以卷住好多汁，食落唔会觉得干。带子即大粒又弹牙，手卷粉面都有鱼子作为点缀。水牛城鸡翼 $78鸡翼表面炸到脆脆地，里面都依然保留到啲肉汁。而且个汁酸酸辣辣，非常惹味。整体来讲，呢间餐厅都好推荐大家去食，食物质素都几好，成个环境同气氛都令人觉得好舒服。