Pho Metro (已結業)

近来发现铜锣湾多咗好多越南菜餐厅。越南菜之中， 当然最钟意食就系生牛肉河啦。所以每一次初尝一间越南菜餐厅，一定会叫生牛肉河粉。今次都不例外。友人约我到呢间 pho metro。本来都不寄予厚望，因为真系太多越南菜馆，而大部份新开嘅越南菜馆， 只有价钱贵， 但食物质素都非常普通。牛油果沙冰。近来唔少餐厅都开始流行用牛油果做唔同菜式或者饮品。 大概系一个潮流挂。但系每间餐厅用嘅牛油果无论质素同埋 份量都好唔同。呢个牛油果沙冰，只可以话不过不失。如果店主可以考虑将牛油果嘅份量增加， 常常味道会更加好。生牛肉河粉。 非常好味。 已经有一段时间冇食过咁好味嘅生牛肉河粉。汤底一流。一向主张唔好饮汤嘅我都饮左一大半。河粉好滑身。 粗幼度啱啱好。最重要系啲牛肉， 好友牛肉味，厚度适中。分量亦都唔孤寒。碗粉嘅份量比起其他越南菜馆都多。 我同朋友都各自叫咗一碗。冇再加其他小食。 都已经够饱喇。环境唔错。装修可以。最重要系座位都够宽敞。相信下次想食越南菜， 我都会再返嚟。如果价钱可以平少少。我一定会成日嚟捧场。