Minh & Kok (已結業)

晚饭时候一家三口行到太古城foodcourt睇下食乜嘢,见到呢一间越式同泰式都有得食,就试下啦。门口细细,但入到去里面原来好阔落,仲装修得几靓,坐得好舒服,1.5米距离都做得到。跟住,我哋叫咗两碗越式生牛肉河和一碗鲜虾扎肉喇沙汤面。话咁快就送上生牛肉河。我一般食汤面都会先饮一啖汤,个汤底好有牛肉味,出乎意料之外。虽然个碗唔算好大,但系河粉同牛肉同汤嘅比例啱啱好,唔会觉得"稀nel nel"。要一赞嘅系,芽菜同河粉都应该全部由越南入口,因为我系食到"肥嘟嘟短脚芽菜,同埋食得出俾港式河粉幼细而且幼滑嘅越南河粉,所以要即刻畀个like佢,另外,其中一块牛肉超大块,真系好意外!至于喇沙方面,汤底唔算太辣好啱我,面条有弹性,仲有一只大虾加三大块扎肉,真系性价比高。可惜试唔到通菜,由于已经售罄,只好叫个甜品~香芒鸳鸯糯米饭。糯米饭大细啱晒一家三口,作为饭后甜品,就算四个人都好ok。糯米饭系standard嘅温暖,芒果就有少少酸,整体都合格。