大食代 (新港中心)

营业中

休息中

疫情关系迟迟都唔可以离开香港，唯有系香港揾下有咩特别的野食啦。 今日刚刚行海港城经过新港中心 ，正好系下午茶时间（其实系午餐）咁就入去揾下有咩食，原来依到有间food ，仲有唔少选择。见今日凉凉地，就揾下d辣野食下啦。今次就拣左间叫「涮香菜园」的餐厅，叫左佢地一个酸菜鱼套餐，以解相思之苦。讲返个食物先，今次叫左小辣，但感觉下次食可以再叫辣d。餐厅姐姐好好，因为可以唔要麻辣，净系食辣味，对于我唔想条脷食到麻麻痺痺系一个福音。 份量都相当之多，好饱肚，大多有6，7旧鱼 ，又有豆卜同菜，好在只系六十零蚊，比起外面餐厅食酸菜鱼抵好多，所以眼见都几多人叫依间餐厅的野食。场内仲有好多唔同选择，下次再来可以慢慢一间一间咁慢慢试。唔知系咪近排少左游客来，所以座位都坐得好舒服，唔会有好迫的感觉。