影片
更多
2023-10-29
123 浏览
天气凉凉地自不然会谂起打边炉，平时多数都系食港式、四川或者台式火锅，重庆火锅都系第一次，估唔到佢嘅食材够晒特别、别有一番风味🤩一坐低职员就比一碗红枣雪耳糖水客人润一润喉，味道又唔错㖞❤️ 唔算食得太辣嘅我唔够胆挑战麻辣九宫格，所以叫咗鸳鸯火锅，普通麻辣 $76 +养生花胶鸡锅（加20/位），麻辣汤底麻味适中，辣味都颇劲，花胶鸡汤真材实料，鸡件嫩滑，花胶都几大块，仲有杞子，虫草花，味道鲜甜，记得饮咗汤先好打边炉呀😋酱料（$20/位），比起台式火锅简单好多，重点系香油，加蒜蓉少少酱油同葱粒，可以减低辣度同埋提升食材香味👍🏻嫩牛肉(半份）$48必食推介，味道浓郁，好腍，滑捋捋 ，口感一流😍美国Prime牛小排(半份）$138雪花分布平均，肉质鲜嫩👍🏻藤椒牛舌(一份) $108第一次食咁薄身嘅牛舌都觉得咁好味，口感特别爽弹，超爱😍安格斯牛板翼（半份）$98肉质嫩滑，有嚼劲👍🏻美国桶蚝（半份）$98必食推介，Size 巨大，渌完之后依然胀卜卜好饱满，非常鲜甜，一啲都唔腥，啖啖肉好正😋珊瑚蚌（半份）$68好新鲜，口感爽脆又弹牙👍🏻小郡肝串串（一份）$48重口味之选，其实佢系腌咗嘅鸡肾，肉质弹牙有口感
一坐低职员就比一碗红枣雪耳糖水客人润一润喉，味道又唔错㖞❤️ 唔算食得太辣嘅我唔够胆挑战麻辣九宫格，所以叫咗鸳鸯火锅，普通麻辣 $76 +养生花胶鸡锅（加20/位），麻辣汤底麻味适中，辣味都颇劲，花胶鸡汤真材实料，鸡件嫩滑，花胶都几大块，仲有杞子，虫草花，味道鲜甜，记得饮咗汤先好打边炉呀😋
酱料（$20/位），比起台式火锅简单好多，重点系香油，加蒜蓉少少酱油同葱粒，可以减低辣度同埋提升食材香味👍🏻
嫩牛肉(半份）$48
必食推介，味道浓郁，好腍，滑捋捋 ，口感一流😍
美国Prime牛小排(半份）$138
雪花分布平均，肉质鲜嫩👍🏻
藤椒牛舌(一份) $108
第一次食咁薄身嘅牛舌都觉得咁好味，口感特别爽弹，超爱😍
安格斯牛板翼（半份）$98
肉质嫩滑，有嚼劲👍🏻
美国桶蚝（半份）$98
必食推介，Size 巨大，渌完之后依然胀卜卜好饱满，非常鲜甜，一啲都唔腥，啖啖肉好正😋
珊瑚蚌（半份）$68
好新鲜，口感爽脆又弹牙👍🏻
小郡肝串串（一份）$48
重口味之选，其实佢系腌咗嘅鸡肾，肉质弹牙有口感，辣辣地好惹味😍
鳗鱼（白鳝）（半份）$58
新鲜又肥美，口感爽弹👍🏻
现炸豆皮（半份）$38
渌完朔晒啲汁好惹味❤️
餐厅7周年做紧添饮优惠（优惠期去到11月7日），凡惠顾一杯四大天王特饮或者Sapporo七宝札幌生啤，就可享无限添饮优惠👍🏻我哋每人叫咗一杯嘢饮，分别系水仙乌龙柠檬茶$48，洛神花鲜橙特饮$48，最后添饮冲上云霄百香果鸡尾酒（含酒精），只系每人$48就可以任饮大大杯嘅特饮，真系非常之抵😁
最后餐厅送咗一碟莆田柚比客人享用，柚子多汁又清甜，食得咁丰富，可以解腻，帮助消化😁
总括而言，所有食材都非常新鲜，海鲜类出色，菜式选择亦多，火锅汤底价钱超值，好钟意菜式可以点半份，啱晒我呢啲钟意试不同款式嘅人😆欣赏每碟菜式都有一个标签提示渌几耐，咁就确保喺最佳嘅时间享用👍🏻职员亦都好细心讲解菜式同埋酱料嘅配搭。餐厅环境好宽敞，可以对住海景打边炉叹美食，真系好enjoy❤️呢个份量我哋两个人食得好饱肚好满足呀🥰
美味指数🍽：9/10
环境指数📸：8.5/10
整体表现💜：9/10
CP值指数😎：8.5/10
张贴
