深仔記

营业中

休息中

入开元朗工作，路过深仔记，谂住食返碗云吞面，点知好有惊喜。仲有茶餐时间，我叫左云吞面加青瓜海蜇加多个可乐先43蚊。首先系汤底，食得出本身无加味精，有大地鱼既香味之余仲有淡淡既虾子味，鲜甜得来有点回甘，我食完面个汤都一滴无剩，正。到面底，幼面弹牙软硬适中，都没有很浓的碱水味。外面好多地方一系太硬一系太林，都好耐无遇过弹牙的面底了。主角云吞方面，每粒云吞都有一只虾，虾同肉比例好好，唔会太大粒，云吞皮够薄身，但凤尾仍保持到。另外青瓜海蜇我食得太急无影到相，正常青瓜海蜇，但先10蚊，唔需要太多考虑吧！总括来讲，元朗深仔记确系有好大惊喜，值得再食既云吞面。