반찬앤쿡 Banchan and Cook (時代廣場) (已結業)

之前食过太古城同一间觉得佢哋嘅蛋包饭唔错，寻晚喺时代广场9楼见到，就同我Oppa嚟食😍。泡菜炒五花肉包饭 由于上次食过觉得蛋包饭系正嘢，既然肯定蛋包饭系呢度出名，一坐底就叫咗个泡菜炒五花肉嘅蛋包饭，从卖相到味道都系好满意，呢个系饱肚又好吃之选😋，真系难怪人人都叫。最欣赏始终系佢个蛋包饭唔肥腻，蛋嘅层次感好出同好滑🥰，泡菜炒五花肉好入味送饭啱晒，配上沙律菜，精美上碟。传统紫菜包饭呢个又系饱肚感超凡，传统嘅韩式紫菜卷，比较健康嘅选择，红萝卜同青瓜丝好多，清清地几fresh，新鲜即叫即卷，紫菜唔会话淋唒，有诚意。黑炸酱有骨炸鸡好有惊喜嘅成坐山咁震撼炸鸡呀😍，打咭able又够味蕾上有冲击嘅黑炸酱鸡肉，而且肉质鲜嫩，推介呢！甜品烤朱古力棉花糖邪恶嘅味道，充满童年回忆，系小学嘅BBQ时食过嘅入口即溶软绵绵半熟棉花糖，配上朱古力酱同消化饼碎，就像改良版一样嘅进阶烧棉花糖食法。吸血鬼的梳打万圣节嘅关系，迎接叫咗杯有特色嘅饮品，好彩系杯，唔甜嘅梳打水。