夢娜尼泊爾餐廳 (已搬遷) 新店位置

依稀记得之前食过间东南亚餐厅喺附近，走入餐厅发现装修格局不同；既然一场嚟到就试吓啦。餐厅装修简单，不过略嫌冷气唔太够。主打尼泊尔同印度菜，但喺餐牌上都见到有中式嘢。咁嚟得梗系简番呢2个地方嘅菜式试啦。睇餐牌见呢个脆皮酿酸冻酸奶酪马铃薯豆，一粒粒几得意；以前菜份量嚟讲都几大。外皮脆卜卜，入面装住冻嘅原味乳酪；个乳酪几够酸所以好开胃。另一惊喜系，尼泊尔精选套餐A入面个黑扁豆汤。口感似我地嘅绿豆沙咁，但好多香料味道；好味。套餐个咖哩我地简咗鱼肉，另外再叫多个咖哩海鲜。虽然都系海鲜类，但2个咖哩味系完全唔同；唔太辣好香啱我口味。好值得赞嘅系，佢地用嘅海鲜材料唔系雪藏嘢；用新鲜料整。食咖哩当然唔小得配烤饼啦，跟餐同散叫嘅烤饼都好味。等下次天气无咁热时，可以再嚟试其它菜式。